Պրոֆեսիոնալ բռնցքամարտի գերծանր քաշային կարգում աշխարհի նախկին չեմպիոն Վլադիմիր Կլիչկոն կարիերայի ընթացքում առաջին անգամ կրեց 2 անընդմեջ պարտություն: Լոնդոնի «Ուեմբլի» ստադիոնում անցկացվել է 41-ամյա ուկրաինացու եւ բրիտանացի Էնթոնի Ջոշուայի միջեւ մենամարտը, որում վիճարկվում էին Ջոշուային պատկանող IBF վարկածով աշխարհի չեմպիոնի տիտղոսն ու WBA Super ու IBO թափուր գոտիները:
Մենամարտի ընթացքում 2 բռնցքամարտիկներն էլ հայտնվել է նոկդաունում: Նախ 5-րդ ռաունդում Ջոշուան նոկդաուն ուղարկեց Կլիչկոյին, իսկ հաջորդ ռաունդում տեղի ունեցավ հակառակը: Մենամարտն ավարտվեց 11-րդ ռաունդում, որում 27-ամյա Ջոշուան 2 անգամ նոկդաունի ենթարկեց մրցակցին, ինչից հետո մրցավարը դադարեցրեց մենամարտը:
Էնթոնի Ջոշուան պրոֆեսիոնալ ռինգում անցկացրեց 19-րդ մենամարտը եւ 19-րդ անգամ հաղթեց նոկաուտով: Բռնցքամարտի շատ մասնագետների կարծիքով, գերծանր քաշային կարգում ուրվագծվում է նոր ընդգծված առաջատար:
Վլադիմիր Կլիչկոն նախորդ մենամարտում պարտվել էր Փայսոն Ֆյուրիին՝ կորցնելով բոլոր տիտղոսները: Մինչեւ այդ մենամարտը ուկրաինացին չէր պարտվել 11 տարի:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։