Խոսեպ Գվարդիոլա. «Մանչեսթեր Յունայթեդն» ունի տաղանդավոր խաղացողներ
16:12 28 ապրիլի, 2017«Մանչեսթեր Սիթիի» գլխավոր մարզիչ Խոսեպ Գվարդիոլան մեկնաբանել է «Մանչեսթեր Յունայթեդի» հետ գոլազուրկ ոչ ոքին Անգլիայի առաջնության 26-րդ տուրից տեղափոխված խաղում:
«Չենք կարող մոռանալ, թե ինչ թիմի դեմ էինք խաղում: Մրցակիցը ստեղծեց 2 գոլային պահ: Ես գոհ եմ: Գիտեմ, թե որքան բարդ է խաղալ «Մանչեսթեր Յունայթեդի» հետ: Նրանք ունեն տաղանդավոր խաղացողներ:
Այժմ յուրաքանչյուր խաղ եզրափակիչի պես է մեզ համար: Առջեւում բարդ հանդիպումներ ենք, եւ մենք գիտենք, որ դրանցում չհաղթելը տարբերակ չէ մեզ համար: Ցանկացած հանդիպում կարեւոր է»,- Գվարդիոլայի խոսքը մեջբերում է BBC Sport-ը:
Հիշեցնենք, որ մանչեսթերյան դերբիում Հայաստանի հավաքականի կիսապաշտպան Հենրիխ Մխիթարյանը «Մանչեսթեր Յունայթեդի» մեկնարկային կազմում հանդես էր եկել 85 րոպե:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։