Էրիկ Բայի. Մոտ էի «Մանչեսթեր Սիթի» տեղափոխվելուն, սակայն զանգեց Մոուրինյոն
19:37 28 ապրիլի, 2017«Մանչեսթեր Յունայթեդի» կոտդիվուարցի պաշտպան Էրիկ Բային պատմել է, որ անցած ամռանը մոտ է եղել «Մանչեսթեր Սիթի» տեղափոխվելուն, սակայն հեռախոսազանգ է ստացել Ժոզե Մոուրինյոյից:
«Ես Կոտ դ՝Իվուարում էի, երբ անծանոթ պորտուգալական հեռախոսահամարից զանգ ստացա: Ներկայացողն ասաց, որ խոսում է Մոուրինյոն: Ես սկզբում նույնիսկ չհավատացի, որ նա է ինձ զանգել:
Նախքան «Մանչեսթեր Յունայթեդում» հայտնվելը, մոտ էի «Մանչեսթեր Սիթի» տեղափոխվելուն, քանի որ հենց այդ թիմն էր ակտիվ հետեւում իմ խաղին: Բայց ամեն ինչ կտրուկ փոխվեց»,- 23-ամյա ֆուտբոլիստի խոսքը մեջբերում է Mirror-ը:
Էրիկ Բային «Մանչեսթեր Յունայթեդ» է տեղափոխվել 2016-ին «Վիլյառեալից» 38 միլիոն եվրոյով: Ընթացիկ մրցաշրջանում նա մասնակցել է 32 հանդիպման:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։