Մոուրինյոն քննադատել է Սմոլինգին եւ Ջոնսին
20:44 27 ապրիլի, 2017«Մանչեսթեր Յունայթեդի» գլխավոր մարզիչ Ժոզե Մոուրինյոն քննադատել է թիմի պաշտպաններ Քրիս Սմոլինգին եւ Ֆիլ Ջոնսին, որոնք հայտարարել են, թե վնասվածքներից հետո դեռ պատրաստ չեն «Մանչեսթեր Սիթիի» դեմ խաղին:
«Գործը միայն նրանց հրաժարվելուն չի վերաբերում: Խոսքը նրանց փիլիսոփայության եւ մտածելակերպի մասին է: Նրանք շատ զգուշավոր են: Բայց մենք կկարողանանք խաղալ նաեւ առանց նրանց: Բլինդը գերազանց է խաղում, Բային հրաշալի է, Տուանզաբեն սպասում է իր շանսին»,- Մոուրինյոյի խոսքը մեջբերում է Mirror-ը: Սմոլինգն ու Ջոնսը բաց են թողել 8 հանդիպում:
Անգլիայի առաջնության 26-րդ տուրից տեղափոխված «Մանչեսթեր Սիթի» - «Մանչեսթեր Յունայթեդ» հանդիպումն ապրիլի 27-ին եւ կմեկնարկի Երեւանի ժամանակով 23:00-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։