Մասկերանոն՝ «Բարսելոնայում» առաջին գոլի մասին. Չէի ցանկանում իրացնել 11 մետրանոցը, սակայն չէի կարող մերժել թիմին
11:10 27 ապրիլի, 2017«Բարսելոնայի» արգենտինացի պաշտպան Խավյեր Մասկերանոն կատալոնական ակումբի կազմում առաջին գոլը խփելուց հետո կիսվել է տպավորություններով: «Օսասունայի» դեմ Իսպանիայի առաջնության 34-րդ տուրի խաղում Մասկերանոն անվրեպ էր իրացրել 11 մետրանոց հարվածը, իսկ «Բարսելոնան» հաղթել էր 7:1 հաշվով:
«Սկզբում ես հրաժարվեցի իրացնել 11 մետրանոցը, սակայն երկրպագուների ու թիմակիցներիս ճնշման պատճառով համաձայնեցի: Ես վստահ չէի, սակայն չէի կարող մերժել թիմին»,- Մասկերանոյի խոսքը մեջբերում է ակումբի կայքը:
Խաղից հետո «Բարսելոնայի» խորվաթ կիսապաշտպան Իվան Ռակիտիչը պատմել է, որ ինքն է ցանկացել իրացնել 11 մետրանոցը, սակայն Ժերեր Պիկեն թույլ չի տվել անել դա:
Հիշեցնենք, որ 32-ամյա Մասկերանոյից գոլ խփելու համար համար պահանջվեց 319 պաշտոնական հանդիպում: Նա 2010-ին «Լիվերպուլից» է տեղափոխվել «Բարսելոնա»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։