Իսպանիայի առաջնության 34-րդ տուրում «Բարսելոնան» սեփական խաղադաշտում մրցեց «Օսասունայի» հետ եւ առավելության հասավ 7:1 հաշվով: Երկուական անգամ աչքի ընկան արգենտինացի հարձակվող Լիոնել Մեսին, պորտուգալացի կիսապաշտպան Անդրե Գոմեշը եւ իսպանացի հարձակվող Պակո Ալկասերը:
«Բարսելոնայում» իր առաջին գոլը խփեց արգենտինացի պաշտպան Խավյեր Մասկերանոն, որը դիպուկ իրացրեց 11 մետրանոցը: 32-ամյա ֆուտբոլիստին հաջողության հասնելու համար պահանջվեց 319 պաշտոնական հանդիպում: Մասկերանոն 2010-ին է «Լիվերպուլից» տեղափոխվել «Բարսելոնա»:
«Բարսելոնան» 78 միավորով գլխավորում է մրցաշարային աղյուսակը: Երկու հանդիպում քիչ անցկացրած «Ռեալն» ունի 75 միավոր:
«Օսասունան» 18 միավորով եզրափակում է մրցաշարային աղյուսակը:
Իսպանիայի առաջնություն, 34-րդ տուր
«Բարսելոնա» - «Օսասունա»՝ 7:1
Լիոնել Մեսի, 12, 61, Անդրե Գոմեշ, 30, 57, Պակո Ալկասեր, 64, 86, Խավյեր Մասկերանո, 67, 11մ – Ռոբերտո Տորես, 48
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։