Յայա Տուրե. Կնախընտրեի «Մանչեսթեր Յունայթեդի» դեմ խաղալ առանց մրցավարների
12:14 25 ապրիլի, 2017«Մանչեսթեր Սիթիի» կիսապաշտպան Յայա Տուրեն քննադատել է «Արսենալի» դեմ Անգլիայի Գավաթի կիսաեզրափակիչ խաղի մրցավարներին եւ խոսել «Մանչեսթեր Յունայթեդի» դեմ Պրեմյեր լիգայի հաջորդ տուրի հանդիպման մասին: Եզրափակիչում մրցավար Կրեյգ Պուսոնը չէր հաշվել «Մանչեսթեր Սիթիի» արգենտինացի հարձակվող Սերխիո Ագուերոյի խփած գոլը, իսկ «Արսենալը» հաղթել էր 2:1 հաշվով:
«Կարծում եմ՝ մրցավարները պետք է դադարեցնեն դա: Ես շատ զայրացած եմ: Նման բան լինում է ոչ առաջին անգամ: Հնարավոր է, որ «Մանչեսթեր Յունայթեդի» դեմ դեմ խաղում կլինի ավելի որակավորված մրցավար: Ես կնախընտրեի, որ մրցավար ընդհանրապես չլիներ: Դա մեծ խաղ է՝ շատ կարեւոր»,- Տուրեի խոսքը մեջբերում է BBC Sport-ը:
«Մանչեսթեր Սիթի» - «Մանչեսթեր Յունայթեդ» խաղը կկայանա ապրիլի 27-ին՝ Երեւանի ժամանակով 23:00-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։