«Բարսելոնայում» Մեսիի 500 գոլերի վիճակագրությունը (ֆոտո)
15:48 25 ապրիլի, 2017«Բարսելոնայի» արգենտինացի հարձակվող Լիոնել Մեսին, դուբլի հեղինակ դառնալով Մադրիդի «Ռեալի» դեմ Իսպանիայի առաջնության 33-րդ տուրի խաղում, կատալոնական ակումբի կազմում գոլերի քանակը հասցրել էր 500-ի:
500 գոլերից 343-ը Արգենտինայի հավաքականի ավագը խփել է Պրիմերայում, 94 անգամ աչքի է ընկել Չեմպիոնների լիգայում, 43 գոլ հեղինակ է Իսպանիայի Գավաթում, 12 գոլ՝ երկրի Սուպերգավաթում, 3 գոլի հեղինակ դարձել է ՈւԵՖԱ-ի Սուպերգավաթում, իսկ աշխարհի ակումբային առաջնությունում խփել է 5 գոլ:
401 գոլ Մեսին խփել է ձախ ոտքով, 75 գոլի հեղինակ դարձել է աջ ոտքով, 23 անգամ մրցակցի դարպասը գրավել է գլխի հարվածով, մեկ անգամ էլ՝ իրանով: Այդ գոլերից 282-ը եղել են տնային խաղերում, իսկ 218-ը՝ արտագնա:
Հիշեցնենք, որ 29-ամյա Մեսին պատմության 8-րդ ֆուտբոլիստն է, որը 500 գոլ է խփում մեկ ակումբի կազմում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։