Շարապովա. Օլիմպիական խաղերը մեծ նշանակություն ունեն Ռուսաստանի մշակույթում

Լոնդոնի Օլիմպիական խաղերում Ռուսաստանի պատվիրակության դրոշակակիր Մարիա Շարապովան կարծիք է հայտնել առաջիկա խաղերի մասին:

«Օլիմպիական խաղերը մեծ նշանակություն ունեն Ռուսաստանի մշակույթում: Բոլորը մեծ ուշադրությամբ հետեւում են Օլիմպիական խաղերում տեղի ունեցող իրադարձություններին: Ես մեծացել եմ այդ մշակույթում եւ ցանկանում եմ դառնալ այդ կարեւորագույն իրադարձության մի մասնիկը:

Օլիմպիական ոսկին դժվար է համեմատել «Մեծ սաղավարտի» մրցաշարերում տարած հաղթանակի հետ: Թենիսի մրցաշարն անհատական մրցում է, իսկ Օլիմպիական խաղերում պայքարում են կոլեկտիվները: Ես արդեն որոշել եմ, թե ինչ գույնի համազգեստով եմ հանդես գալու Լոնդոնում: Իմ համազգեստի վրա կլինեն ազգային դրոշի գույները»,- աշխարհի երրորդ ռակետի խոսքը փոխանցում է The Tennis Space-ը:

Հիշեցնենք, որ Ուիմբլդոնի մրցաշարի կանոնակարգի համաձայն՝ թենիսիստները պետք է հանդես գան սպիտակ համազգեստով: