WBO. Արթուր Աբրահամից հաղթանակի համար պահանջվեց 12 ռաունդ (ֆոտոշարք)

01:46   23 ապրիլի, 2017

Սուպերմիջին քաշային կարգում WBO վարկածով աշխարհի նախկին չեմպիոն Արթուր Աբրահամը Գերմանիայի Էրֆուրտ քաղաքում անցկացված WBO-ի վարկանիշային մենամարտում մրցավարների որոշմամբ, միավորներով պարտության մատնեց  Լեհաստանը ներկայացնող, Մյունխենում բնակվող կոսովցի Ռոբին Կրասնիկիին:

37-ամյա հայ բռնցքամարտիկին պահանջվեց անցկացնել բոլոր ռաունդները: 9-րդ ռաունդից Աբրահամը հսկայական առավելություն ձեռք բերեց 29-ամյա մրցակցի նկատմամբ եւ մենամարտը հաղթական ավարտի հասցրեց 12-րդ ռաունդում:

Արթուր Աբրահամն իրավունք նվաճեց մասնակցել WBO-ի չեմպիոնական մենամարտի մեքսիկացի Խիլբերտո Ռամիրեսի դեմ, եթե նա այս գիշեր պաշտպանի տիտղոսը ուկրաինացի Մաքս Բուրսակի հետ պայքարում: 

Հիշեցնենք, որ Արթուր Աբրահամը նախորդ տարվա նոյեմբերի 12-ին Մոնակոյում պետք է ռեւանշ մենամարտ անցկացներ բրիտանացի Մարտին Մյուրեի հետ, սակայն արմունկի վնասվածքի պատճառով հրաժարվել էր այդ մենամարտից: Աբրահամը նախորդ մենամարտն անցկացրել էր հուլիսի 16-ին Բեռլինում՝ նոկաուտով 8-րդ ռաունդում հաղթելով նորվեգացի Թիմ Ռոբին Լիհաուգին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։