Whoscored.com-ը ներկայացրել է «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանի վիճակագրությունը բելգիական «Անդերլեխտի» դեմ Եվրոպայի լիգայի քառորդ եզրափակիչի պատասխան խաղում։
Մխիթարյանը 2 հարված է կատարել դարպասին, 1 հարված՝ դարպասի ուղղությամբ։ Հայ ֆուտբոլիստը կատարել է 57 փոխանցում 79 տոկոս ճշգրտությամբ։ 28-ամյա կիսապաշտպանը մեկ անգամ հաղթող է դուրս եկել օդային պայքարում, 6 անգամ հաջողությամբ շրջանցել է մրցակիցներին, 3 անգամ խլել է գնդակը։
Մխիթարյանը կանոնները խախտել է մեկ անգամ, նրա դեմ նույնպես խախտել են մեկ անգամ։
Ամբողջ հանդիպումն անցկացրած Մխիթարյանը ստացել է 9,30 գնահատականը, իսկ ամենաբարձր գնահատվել է անգլիացի հարձակվող Մարկուս Ռեշֆորդը՝ 9,39։
Whoscored-ը Մխիթարյանին ընդգրկել է Եվրոպայի քառորդ եզրափակիչի խորհրդանշական հավաքականում։
Հիշեցնենք, որ Մանչեսթերում տեղի ունեցած պատասխան խաղում անգլիական թիմը հաղթել է լրացուցիչ ժամանակում՝ 2։1։ 10-րդ հաշիվը բացել էր Մխիթարյանը, որն աչքի էր ընկել նաեւ առաջին խաղում։ Առաջին խաղում գրանցվել էր 1։1 հաշվո։ «Մանչեսթեր Յունայթեդը» կիսաեզրափակիչում է։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։