«Մանչեսթեր Յունայթեդի» եւ բելգիական «Անդերլեխտի» միջեւ ֆուտբոլի Եվրոպայի լիգայի 1/4 եզրափակիչի պատասխան խաղի հաշիվը բացեց Հայաստանի հավաքականի կիսապաշտպան Հենրիխ Մխիթարյանը:
Մանչեսթերում ընթացող խաղում Մխիթարյանն անգլիական ակումբին առաջ մղեց 10-րդ րոպեին: Ընթանում է առաջին խաղակեսը: Դա հայ կիսապաշտպանի 5-րդ գոլն էր Եվրոպայի լիգայի այս մրցաշարում, որում նա անցկացնում է 8-րդ խաղը:
Հիշեցնենք, որ Հենրիխ Մխիթարյանը գոլի հեղինակ էր դարձել նաեւ «Անդերլեխտի» դեմ Բելգիայում կայացած առաջին խաղում, որն ավարտվել էր 1:1 հաշվով:
«Մանչեսթեր Յունայթեդ». Սերխիո Ռոմերո, Անտոնիո Վալենսիա, Էրիկ Բայի, Մարկոս Ռոխո, Լյուկ Շոու, Մայքլ Կարիկ, Պոլ Պոգբա, Մարկուս Ռեշֆորդ, Հենրիխ Մխիթարյան, Ջեսի Լինգարդ, Զլատան Իբրահիմովիչ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։