«Ռեալը» պատրաստ է 120 միլիոն եվրո վճարել Էդեն Ազարի համար

15:42   20 ապրիլի, 2017

Մադրիդի «Ռեալն» ու Լոնդոնի «Չելսին» բանակցում են բելգիացի կիսապաշտպան Էդեն Ազարի տրանսֆերի հարցով: Արքայական ակումբը պատրաստ է 26-ամյա ֆուտբոլիստի համար վճարել 120 միլիոն եվրո, հաղորդում է Don Balon-ը: Այդ գումարի մեջ կարող է ներառվել «Ռեալի» իսպանացի հարձակվող Ալվարո Մորատայի տրանսֆերի գինը: «Չելսիի» իտալացի գլխավոր մարզիչ Անտոնիո Կոնտեն ցանկանում է Ազարի հեռանալու դեպքում, ձեռք բերել Մորատային:

Եթե գործարքը տեղի ունենա, Ազարը կդառնա պատմության մեջ ամենաթանկ ֆուտբոլիստը: Այժմ տրանսֆերային ռեկորդը պատկանում է «Մանչեսթեր Յունայթեդի» ֆրանսիացի կիսապաշտպան Պոլ Պոգբային՝ 105 միլիոն եվրո:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։