ԵԱ. Հայ մարմնամարզիկներից չորսը եզրափակիչում են
00:04 20 ապրիլի, 2017Ռումինիայում մեկնարկած սպորտային մարմնամարզության Եվրոպայի առաջնությում հայ մարմնամարզիկներից չորսը հաղթահարել են որակավորման փուլը եւ եզրափակիչներում կպայքարեն մեդալների համար: Այս մասին NEWS.am Sport-ի թղթակցի հետ զրույցում Ռումինիայից հայտնեց սպորտային մարմնամարզության Հայաստանի հավաքականի գլխավոր մարզիչ Հակոբ Սերոբյանը:
«Շատ գոհ եմ այսօրվա արդյունքներից: Բոլոր հնարավոր ձեւերում անցել ենք եղրափակիչ:
Հարություն Մերդինյանը չորրորդ տեղի արդյունքով անցավ եզրափակիչ, Արթուր Դավթյանը հաղթահարել է որակավորման փուլը թե բազմամարտում, հենացատկում: Ես, անկեղծ, չէի սպասում: Օղակների վարժությունում երկրորդ եւ չորրորդ տեղի արդյունքներով Վահագն Դավթյանն ու Արթուր Թովմասյանը եզրափակիչում են: Որակավորման փուլը չկարողացան հաղթահարել բազմամարտում Վիգեն Խաչատրյանը եւ նժույգի վարժությունում Արմեն Պետրոսյանը: Իսկ տղաների արդյունքների համար շատ գոհ եմ: Ասել եմ, եթե գոնե մեկ մեդալ էլ ունենանք, շատ ուրախ կլինեմ, բայց եթե երեքը լինեն, շատ ավելի ուրախ կլինեմ:
Ապրիլի 21-ին մրցահարթակ դուրս կգա Արթուր Դավթյանը` բազմամարտի եզրափակիչում, ապրիլի 22-ին պայքարի մեջ կմտնեն Հարություն Մերդինյանը` նժույգի վարժության եզրափակիչում, Վահագն Դավթյան ու Արթուր Թովմասյանը: Հենացատկի եզրափակիչը կկայանա ապրիլի 23-ին»,- ասաց Հակոբ Սերոբյանը:
Լուսինե Շահբազյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.