«Ռեալի» դեմ խաղից հետո «Բավարիայի» 3 ֆուտբոլիստներ ներխուժել են մրցավարների սենյակ
12:34 19 ապրիլի, 2017Մյունխենի «Բավարիայի» 3 ֆուտբոլիստներ Մադրիդի «Ռեալի» դեմ Չեմպիոնների լիգայի քառորդ եզրափակիչի պատասխան խաղից հետո ներխուժել են մրցավարական սենյակ, գրում է Sport.es-ը:
Տիագո Ալկանտարան, Արտուրո Վիդալն ու Ռոբերտ Լեւանդովսկին ցանկացել են իրենց դժգոհությունն անձամբ հայտնել հունգարացի Վիկտոր Կաշայիի մրցավարական բրիգադի աշխատանքի վերաբեյալ: Ոստիկանները ստիպված են եղել միջամտել եւ «Բավարիայի» ֆուտբոլիստներին դուրս հանել մրցավարական սենյակից:
Հիշեցնենք, որ Մադրիդում կայացած խաղի 84-րդ րոպեին Վիկտոր Կաշային 1:2 հաշվի ժամանակ կարմիր քարտ էր ցույց տվել «Բավարիայի» չիլիացի կիսապաշտպան Արտուրո Վիդալին, իսկ լրացուցիչ ժամանակում «Ռեալը» խփել էր 3 գոլ եւ դուրս եկել կիսաեզրափակիչ: Պորտուգալացի հարձակվող Կրիշտիանու Ռոնալդուն լրացուցիչ ժամանակում «Ռեալի» երկրորդ գոլը խփել էր ակնհայտ խաղից դուրս վիճակից: Ռոնալդուի երրորդ գոլի դրվագում եւս մրցավարները կարող էին արձանագրել խաղից դուրս վիճակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։