Անչելոտի. Զիդանը խարիզմատիկ մարդ է
20:15 11 ապրիլի, 2017Չեմպիոնների լիգայի քառորդ եզրափակիչի առաջին հանդիպումից առաջ Մյունխենի «Բավարիայի» գլխավոր մարզիչ Կարլո Անչելոտին գովել է Մադրիդի «Ռեալի» գլխավոր մարզիչ Զինեդին Զիդանին, որը եղել է նրա օգնական Արքակական թիմում։
«Միշտ ասել եմ, որ Զիդանն ունի լավ մարզիչ դառնալու համար բոլոր որակները։ Զիդանն արդեն հրաշալի մարզիչ է, թեեւ սկսել է ամենասկզբնական փուլերից։ Նա իմ օգնականն էր «Ռեալում», հետո մարզում էր ակումբի երկրորդ թիմը։ Երբ դառնում ես մարզիչ, քո խաղային փորձն օգտակար է միայն մասնակիորեն։ Պետք է սովորել, միշտ լինել տեղյակ վերջին զարգացումներին, ձեռք բերել նոր փորձ։ Զիդանն արեց դա։ Նա խարիզմատիկ մարդ է։ Ֆուտբոլիստները հարգում են նրան, եւ դա շատ կարեւոր է»,- Անչելոտիի խոսքը մեջբերում է ՈւԵՖԱ-ի մամուլի ծառայությունը։
«Բավարիա» - «Ռեալ» հանդիպումը ապրիլի 12-ին է եւ կմեկնարկի Երեւանի ժամանակով 22։45-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.