Աշխարհի ռեկորդ՝ ծանրամարտի Եվրոպայի առաջնությունում
20:10 8 ապրիլի, 2017Ռիո-2016 Օլիմպիական խաղերի չեմպիոն Լաշա Տալախաձեն աշխարհի ռեկորդ սահմանեց ծանրամարտի գերծանր քաշային կարգի պոկում վարժությունում:
Խորվաթիայի Սպլիտ քաղաքում ավարտին մոտեցող Եվրոպայի առաջնության +105 կգ քաշային կարգում 23-ամյա ծանրորդը պոկեց 217 կգ եւ նվաճեց փոքր ոսկե մեդալ:
Ռիո-2016 Օլիմպիական խաղերի փոխչեմպիոն Գոռ Մինասյանը 211 կգ արդյունքով գրավեց երկրորդ տեղ: Հայաստանի մյուս ներկայացուցիչ Ռուբեն Ալեքսանյանը պոկեց 190 կգ, ինչը 6-րդ արդյունքն էր:
Գերծանր քաշային կարգում պոկում վարժության աշխարհի նախորդ ռեկորդը պատկանում էր իրանցի Բեհդադ Սալիմիին, որը 2016-ին գրանցել էր 216 կգ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։