Անգլիական «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանը վստահ է, որ կարող է առաջադիմել եւ հաջորդ մրցաշրջանում ցուցադրել ավելի արդյունավետ խաղ:
«Ես ինձ լավ գիտեմ եւ վստահ եմ, որ կարող եմ ավելի լավ խաղալ: Ցանկանում եմ ասել, որ հաջորդ մրցաշրջանում ավելի շատ գոլեր կխփեմ եւ կանեմ ավելի շատ արդյունավետ փոխանցումներ: Կարելի է կատարելագործել խաղի ամեն մի բաղադրիչը: Չեմ կարող ասել, թե ինչ-որ մի որակով ես լավն եմ եւ այլեւս չկա այդ ուղղությամբ աշխատելու անհրաժեշտություն: Պետք է շարունակել համառ աշխատանքը»,- Մխիթարյանի խոսքը մեջբերում է «Մանչեսթեր Յունայթեդի» մամուլի ծառայությունը:
Ընթացիկ մրցաշրջանում հայ ֆուտբոլիստը անգլիական թիմի կազմում բոլոր մրցաշարերի 29 հանդիպումներում խփել է 7 գոլ, կատարել է 5 գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։