Սլովակ հոկեյիստ Լադիսլավ Շկուրկոն դատապարտվել է 8 տարվա ազատազրկման 2008-ին 26-ամյա մրցավար Մարեկ Լիտայային դանակի 14 հարվածներով սպանելու համար: Զոհի մարմինը հայտնաբերվել էր 2008թ. դեկտեմբերին Կոշիցեի մոտ:
2009-ին Շկուրկոն ընդունել էր մեղքը: Հոկեյիստը մինչեւ դատավճիռը արդեն երկու տարի անցկացրել է բանտում:
2011-ին Շկուրկոն հայտարարեց, որ ոստիկանությունը բռնությամբ է կորզել իրենից խոստովանությունը: Հետաքննությունը վերսկսելուց հետո 15 տարվա պատժաչափը մեղմվել է հոգեթերապեւտի եզրակացության հիման վրա, հաղորդում է Yahoo! Sports-ը:
26-ամյա Շկուրկոն հանդես է եկել Հոկեյի ազգային լիգայի «Ֆիլադելֆիա» ակումբում: 2005-ին եւ 2006-ին խաղացել է աշխարհի երիտասարդական առաջնություններում: 2007-ին «Կոշիցե» ակումբի կազմում նվաճել է Սլովակիայի չեմպիոնի տիտղոսը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։