Ժոզե Մոուրինյո. Բրազիլիայի հավաքականում աշխատելը բարդ է, բայց հետաքրքիր
14:15 30 մարտի, 2017«Մանչեսթեր Յունայթեդի» գլխավոր մարզիչ Ժոզե Մոուրինյոն պատմել է, թե ինչպես է վերաբերվում Բրազիլիայի հավաքականում աշխատելուն:
«Կարծում եմ, որ «Մանչեսթեր Յունայթեդից» հետո ինձ պետք է ավելի հեշտ աշխատանք: Բրազիլիայի հավաքականը մարզելը բարդ է: Իհարկե, դա կլիներ հետաքրքիր: Յուրաքանչյուր մարզիչ ցանկանում է աշխատել լավագույն ակումբների ու խաղացողների հետ:
Բրազիլիայի հավաքականը հավերժական առաջատար է, թիմ, որը համալրված է տաղանդներով՝ անկախ սերունդից: Այնտեղ միշտ հայտնվում են տաղանդներ:
Սակայն դա բարդ կլինի: Ցանկացած բրազիլացու մեջ ապրում է մարզիչ: Այնտեղ ցանկացած լրագրող իրեն համարում է ավելի լավ մարզիչ, քան՝ քեզ: Դա բարդ երկիր է աշխատանքի համար, սակայն այնտեղ կան շատ կրքեր»,- պորտուգալացի մասնագետի խոսքը մեջբերում է ESPN Brasil-ը:
Հիշեցնենք, որ Ժոզե Մոուրինյոյի պայմանագիրը «Մանչեսթեր Յունայթեդի» հետ նախատեսված է մինչեւ 2019 թվականի ամառը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։