Սպորտային մարմնամարզության Եվրոպայի առաջնությունում Հայաստանն այս տարի կունենա վեց մասնակից: Հավաքականի գլխավոր մարզիչ Հակոբ Սերոբյանը հայտնել է, որ թիմում ընդգրկված կլինեն Արթուր Դավթյանը, Վահագն Դավթյանը, Արթուր Թովմասյանը, Հարություն Մերդինյանը, Վիգեն Խաչատրյանն ու Արմեն Պետրոսյանը:
«Վիգենն ու Արմենը բազմամարտիկներ են, առանձին գործիքների վրա նրանցից մեծ ակնկալիքներ չունենք: Մեզ պետք են բազմամարտիկներ, ապագայում թիմային պայքարի համար: Հաջորդ տարվա Եվրոպայի առաջնությանը պետք է թիմով մասնակցենք»,- Հակոբ Սերոբյանի խոսքը մեջբերում է armnoc.am-ը:
Եվրոպայի առաջնությունը տեղի կունենա ապրիլի 19-23-ը Ռումինիայում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։