Լոնդոնի «Արսենալի» կիսապաշտպաններ Մեսութ Օզիլն ու Ալեքս-Օքսլեյդ Չեմբերլենն ընգրկվել են «Մանչեսթեր Յունայթեդի» տրանսֆերային ցուցակում, գրում է Goal.com-ը:
«Մանչեսթեր Յունայթեդի» գլխավոր մարզիչ Ժոզե Մոուրինյոն ցանկանում է ուժեղացնել կիսապաշտպանություն, եւ Չեմբերլենը դառնալու է թիմի գլխավոր տրանսֆերային նպատակներից մեկն առաջիկա ամռանը: Անգլիացու գործող պայմանագիրն ավարտվում է 2018-ին: Մոուրինյոն Չեմբերլենին ցանկացել է ձեռք բերել նաեւ «Չելսիում» աշխատելու տարիներին:
Մեսութ Օզիլի պայմանագիրը եւս ավարտվում է 2018-ին: Աղբյուրը նշում է, որ Գերմանիայի հավաքականի ֆուտբոլիստը դժվար թե ցանկանա տեղափոխվել «Մանչեսթեր Յունայթեդ»:
Մանչեսթերցիները ցանկանում են ձեռք բերել նաեւ «Տոտենհեմի» անգլիացի կիսապաշտպան Էրիկ Դայերին, որի համար պատրաստ են առաջարկել 40 միլիոն ֆունտ ստերլինգ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։