Մայքլ Կարիկ. Ինձ դուր է գալիս Հենրիխ Մխիթարյանի խաղաոճը
15:02 28 մարտի, 2017«Մանչեսթեր Յունայթեդի» անգլիացի կիսապաշտպան Մայքլ Կարիկը խոսել է իր ակումբակից Հենրիխ Մխիթարյանի մասին:
«Մխիթարյանին առաջին անգամ տեսա նախամրցաշրջանային հավաքին եւ մտածեցի, որ նա կլինի կատարյալ խաղացող ու այդ մասին միանգամից ասացի Էշլի Յանգին: Երբեմն դա տեսնում ես ֆուտբոլիստի մեջ, երբեմն` ոչ: Երբեմն էլ դա տեսնում ես ամեն պահի: Նա օգտագործում է երկու ոտքերը, նա կտրուկ ու արագ է: Կարծում էի, որ նա ունի իր ցանկացած խաղացողը դառնալու ներուժ: Մխիթարյանը խելացի է դիրք ընտրում դաշտում, ինձ դուր է գալիս նրա խաղաոճը:
Խաղում ես ֆուտբոլիստների դեմ, որոնք տաղանդավոր են, բայց վտանգ չեն ստեղծում քեզ համար: Նրանք կարող են ունենալ աշխարհի ամբողջ տաղանդը, սակայն նրանց դեմ խաղալը բարդ չէ, քանի որ նրանք չեն փորձում քեզ: Հենրիխն անում է դա, այդ պատճառով նրա դեմ խաղալը հեշտ չէ»,- 35-ամյա ֆուտբոլիստի խոսքը մեջբերում է ESPN-ը:
Հիշեցնենք, որ Անգլիայի ընթացիկ առաջնությունում Հայաստանի հավաքականի կիսապաշտպանը մասնակցել է 15 խաղի, դարձել 3 գոլի ու մեկ գոլային փոխանցման հեղինակ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։