Հայ բադմինտոնիստները մեդալներ են նվաճել Իսրայելում

20:41   27 մարտի, 2017

Մարտի 23-25-ը Իսրայելի Ռիշոն Լե Ցիոն քաղաքում կայացել է բադմինտոնի Li Ning Israel Youth 2017 միջազգային մրցաշարի 8-րդ խաղարկությունը` մինչեւ 11, 13 եւ 15 տարեկանների համար:

Հայաստանը ներկայացրել են Էլեն Տիրատուրյանը (Մ13), Գայանե Մամաջանյանը (Մ15) եւ Սվետլանա Բոյաջյանը (Մ15), հաղորդում է Սպորտի նախարարության մամուլի ծառայությունը:

Աղջիկների զուգախաղում Գայանե Մամաջանյան-Սվետլանա Բոյաջյան զույգը,  կիսաեզրափակիչում զիջելով բելառուսա-իսրայելական Հելի Նեյման-Վերոնիկա Տարուսավա զույգին, բավարարվել է բրոնզե մեդալով:

Խառը զուգախաղի եզրափակիչում Գայանե Մամաջանյանը հանդես է եկել Անգլիայի ներկայացուցիչ Տոբի Դիլնգհամի հետ: Նրանք մրցել են Ուկրաինան ներկայացնող Անաստասիա Պրոկոպովիչ-Արտյոմ Նոսով զույգի հետ, որին զիջելով 21:17 եւ 21:8 հաշվով, արժանացել են արծաթե մեդալների:

Նշենք, որ մարզուհիները մրցաշարին ներկայացել են մարզիչ Էլեոնորա Մեսրոպյանի ղեկավարությամբ:



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։