Կիրսան Իլյումժինովը հերքել է ՖԻԴԵ-ի կայքի լուրը, թե ինքը հրաժարական է ներկայացրել
18:11 27 մարտի, 2017Շախմատի միջազգային ֆեդերացիայի (ՖԻԴԵ) նախագահ Կիրսան Իլյումժինովը հերքել է ՖԻԴԵ-ի պաշտոնական կայքի լուրը, թե ինքը հրաժարական է ներկայացրել:
«Չգիտեմ, թե որտեղից է այդ հաղորդագրությունը, բայց այն չի համապատասխանում իրականությանը: Նախագահական խորհրդում այդպիսի հարց չի բարձրացվել: Նախագահական խորհրդի որոշ անդամներ փորձել են ինձ դրդել դրան: Այն ուժերն են, որոնք ինձ ըդգրկել են պատժամիջոցային ցուցակներում եւ պահանջում են իմ հրաժարակնը: Նրանք իմ պաշտոնանկության հարցը քննարկել են ոչ պաշտոնական միջավայրում, իսկ ՖԻԴԵ-ի նախագահական խորհրդում այդ հարցը չի դրվել»,- Իլյումժինովի խոսքը մեջբերում է Rsport-ը: Իլյումժինովը ՖԻԴԵ-ի նախագահ է 1995 թվականից:
ՖԻԴԵ-ի պաշտոնական կայքում նշվում է, որ նախագահի պաշտոնանկության հարցով նախագահական խորհրդի արտահերթ նիստ կգումարվի ապրիլին: ՖԻԴԵ-ի գործադիր տնօրեն Նիգել Ֆրիմենը նշել է, որ Իլյումժինովը ապրիլին հրաժարական կներկայացնի:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։