Հենրիխ Մխիթարյան. Ժամանակն է կենտրոնանալ «Մանչեսթեր Յունայթեդի» վրա
15:33 27 մարտի, 2017Հայաստանի հավաքականի եւ «Մանչեսթեր Յունայթեդի» կիսապաշտպան Հենրիխ Մխիթարյանը ֆուտբոլի աշխարհի առաջնության ընտրական խաղում Ղազախստանի թիմի նկատմամբ հաղթանակից հետո արագ ապաքինում է մաղթել պորտուգալական «Մարիտիմուի» կիսապաշտպան Գեւորգ Ղազարյանին, որի մոտ ախտորոշվել է ծնկահոդի խաչաձեւ կապանների մասնակի կտրվածք եւ մենիսկի վնասվածք:
«Շնորհակալություն մեր երկրպագուներին հրաշալի հյուրընկալության համար: Շուտափույթ ապաքինում Գեւորգ Ղազարյանին, եղիր ուժեղ: Ժամանակն է կենտրոնանալ «Մանչեսթեր Յունայթեդի» վրա»,- ֆեյսբուքյան էջում գրել է Մխիթարյանը, որը Երեւանի «Հանրապետական» ստադիոնում կայացած խաղում 73-րդ րոպեին բացել էր հաշիվը, իսկ Հայաստանի հավաքականը հաղթել էր 2:0 հաշվով:
Հիշեցնենք, որ Ղազախստանի հավաքականի դեմ խաղում Գեւորգ Ղազարյանը վնասվածք էր ստացել առաջին րոպեին եւ անմիջապես տեղափոխվել հիվանդանոց, որտեղ նրա ոտքին գիպս էին դրել: Վերջնական ախտորոշումը կարվի Գերմանիայում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։