Հայաստանի հավաքականի կիսապաշտպան Գեւորգ Ղազարյանը Ղազախստանի թիմի դեմ ֆուտբոլի աշխարհի առաջնության ընտրական փուլի հանդիպման նախախաղային ասուլիսում նշեց հետեւյալը.
«Լավ հիշողություններ ունեմ Ղազախստանից եւ ուրախ եմ, որ խաղացել եմ Կարագանդայի «Շախտյորում»: Այնտեղ ձեռք եմ բերել լավ ընկերներ: Նախկին ակումբակիցներիցս մի քանիսն այժմ խաղում են հավաքականում: Ղազախստանն ունի լավ թիմ, կառանձնացնեմ նրանց 9 համարին, որը շատ ուժեղ ֆուտբոլիստ է»,- ասաց պորտուգալական «Մարիտիմուի» կիսապաշտպանը:
Հիշեցնենք, որ Գեւորգ Ղազարյանը 2013-ին վարձավճարով խաղացել է ղազախական «Շախտյորում»: Հայաստան - Ղազախստան խաղը տեղի կունենա մարտի 26-ին Երեւանի «Հանրապետական» ստադիոնում եւ կսկսվի ժամը 20:00-ին:
Դավիթ Եղիազարյան
Լուսանկարն՝ Արսեն Սարգսյանի
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։