Red Eagles ֆան շարժման ղեկավար Դենիս Սարգսյանը հարձակման է ենթարկվել, հայտնում է շարժման ֆեյսբուքյան էջը:
«Րոպեներ առաջ, հարձակման է ենթարկվել Red Eagles ֆան շարժման ղեկավար Դենիս Սարգսյանը: Շենքի մուտքում հարձակվելով նրա վրա՝ հասցրել են մահակի հարվածներ՝ ասելով, որ սա վերջին զգուշացումն է ակումբի գործունեությունը դադարեցման մասին: Այժմ Դենիս Սարգսյանը գտնվում է Գրիգոր Լուսավորիչ բժշկական կենտրոնում»,- նշվում է հայտարարությունում:
Ավելի վաղ Red Eagles-ը տեղեկություն էր տարածել, որ ֆան ակումբը ստացել է սպառնալիքներ եւ դիմել ոստիկանություն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։