Հայաստանի ազգային հավաքականը Ավանի ֆուտբոլային ակադեմիայում շարունակում է պատրաստվել Ղազախստանի թիմի դեմ աշխարհի առաջնության ընտրական հանդիպմանը։ Հունական «Կսանտիի» կիսապաշտպան Մարկո Պիզելին Հայաստան է ժամանել ծնողների հետ։ Հայաստանի ֆուտբոլի ֆեդերացիայի պաշտոնական էջը Ինստագրամում հրապարակել է Պիզելիի եւ նրա ծնողների լուսանկարը, որն արվել է Ավանի ֆուտբոլային ակադեմիայում։
Հիշեցնենք, որ 32-ամյա Պիզելին 2006-2011 թվականներին հանդես է եկել Հայաստանի առաջնությունում՝ ներկայացնելով «Արարատն» ու «Փյունիկը»։ Հայաստանի հավաքականում բրազիլացի ֆուտբոլիստը մասնակցել է 55 հանդիպման, խփել է 9 գոլ։
Հայաստան - Ղազախստան հանդիպումը տեղի կունենա մարտի 26-ին Երեւանի «Հանրապետական» ստադիոնում եւ կմեկնարկի 20։00-ին։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։