Լոս Անջելեսն ու Փարիզը կպայքարեն միայն 2024թ. Օլիմպիական խաղերի անցկացման համար
00:44 22 մարտի, 2017Լոս Անջելեսը կպայքարի միայն 2024թ. ամառային Օլիմպիական խաղերի անցկացման իրավունքի համար եւ չի պատրաստվում նույնը անել 2028թ. Խաղերի համար: Այդ մասին հայտարարել են Լոս Անջելեսի քաղաքային իշխանությունները, հաղորդում է BBC-ն:
Ավելի վաղ, 2028թ. Խաղերի համար պայքարից հրաժարվելու մասին հայտարարել էր նաեւ Փարիզի օլիմպիական հայտի կոմիտեի ղեկավար Թոնի Էստանգեն:
Նշվում է, որ Լոս Անջելեսի ամբողջ ենթակառուցվածքն արդեն հիմա պատրաստ է ամառային Օլիմպիական խաղեր անցկացնելու համար, իսկ Փարիզն այդ պայքարում կարող է զիջել բարձր ահաբեկչական ռիսկերի պատճառով:
2024թ. օլիմպիական մայրաքաղաքը կընտրվի 2017թ. սեպտեմբերի 13-ին Լիմայում կայանալիք ՄՕԿ-ի նստաշրջանում: Հավակնորդները երկուսն են՝ Լոս Անջելես եւ Փարիզ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։