Լոնդոն-2012. Հայ օլիմպիականները. Մելիք Ջանոյան
20:24 16 հուլիսի, 2012NEWS.am Sport-ը ներկայացնում է 30-րդ Օլիմպիական խաղերում Հայաստանի մարզիկներին։
Մելիք Ջանոյան. աթլետիկա, նիզակի նետում
Ծվնվել է 1985թ. մարտի 24-ին
Մելիք Ջանոյանին նիզականետման հատված է բերել հայրը՝ Սիրեկան Ջանոյանը, ում գլխավորությամբ էլ մարզաձեւով սկսել է զբաղվել 15 տարեկանից:
Եվրոպայի գավաթի խաղարկության կրկնակի հաղթող եւ կրկնակի երկրորդ մրցանակակիր է, Հայաստանի բազմակի չեմպիոն է, Պեկինի Օլիմպիական խաղերի մասնակից:
Օլիմպիական ուղեգիրը նվաճել է Սոչիում 2012թ. փետրվարին անցկացված մրցաշարում ցույց տված 79մ 71 սմ արդյունքի շնորհիվ:
Հելսինկիում անցկացված 2012 թվականի Եվրոպայի առաջնությունում, որին մասնակցում էին օլիմպիական ուղեգիր ձեռք բերած 38 մարզիկները, զբաղեցրել է 20-րդ տեղը:
Օլիմպիական խաղերի նախապատրաստական փուլում անցկացրել է չորս հավաք Սոչիում, 2012թ. հունվար, փետրվար, մարտ եւ ապրիլ ամիսներին: Հուլիսի 12-ից Փարիզում վերջին նախապատրաստական փուլին է մասնակցում, որից հետո էլ կմեկնի Լոնդոն:
Նիզակի նետման օլիմպիական չեմպիոնը հայտնի կդառնա օգոստոսի 11-ին։
Անհատական մարզիչն է Սիրեկան Ջանոյանը։
Մելիք Ջանոյան
«Ատլետիկայի մրցումներում հաջողության հասնելը շատ դժվար է: Սակայն դա չի նշանակում, որ ես չեմ պայքարելու բարձր տեղերի համար: Օլիմպիական խաղերում հաջողությունը պատմական երեւույթ է, եւ ես կանեմ ամեն ինչ, որպեսզի ուրախացնեմ հայ մարզասերներին»:
Սիրեկան Ջանոյան
«Նիզականետորդների մրցումներին մասնակցելու են շատ ճանաչված մարզիկներ, եւ ներկայացնել Հայաստանը այս համաշխարհային մարզական փառատոնում արդեն մեծ պատիվ է մեզ համար: Սակայն չենք պատրաստվում բավարարվել միայն մասնակցությամբ: Մելիքը լավ ներուժ ունի եւ կարող է բարձր արդյունք ցույց տալ: Սպասենք եւ հուսանք, որ արդյունք կլինի»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.