Ֆուտբոլի Հայաստանի ազգային հավաքականը մարտի 21-ին երկրորդ մարզումն է անցկացրել Ավանի ֆուտբոլային ակադեմիայում՝ պատրաստվելով Ղազախստանի հավաքականի դեմ աշխարհի առաջնության ընտրական հանդիպմանը:
Մարզմանը մասնակցել է 22 խաղացող: Մարտի 20-ին թիմին միացած Հենրիխ Մխիթարյանը եւս մարզվել է: Նա բաց էր թողել «Մանչեսթեր Յունայթեդի» նախորդ հանդիպումը:
Հավաքականի մարզումը վնասվածքի պատճառով բաց է թողել «Փյունիկի» պաշտպան Արթուր Քարտաշյանը: Թիմին դեռ չի միացել շվեյցարական «Լե Մոնի» կիսապաշտպան Արտյոմ Սիմոնյանը, հաղորդում է Հայաստանի ֆուտբոլի ֆեդերացիայի պաշտոնական կայքը:
Հայաստան - Ղազախստան հանդիպումը մարտի 26-ին է եւ կմեկնարկի ժամը 20:00-ին:
Ֆոտո՝ ՀՖՖ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։