Անգլիական «Մանչեսթեր Յունայթեդը» պաշտոնապես հայտարարել է, որ գերմանացի կիսապաշտպան Բաստիան Շվայնշտայգերը տեղափոխվում է ամերիկյան «Չիկագո Ֆայր»: Նշվում է, որ 32-ամյա ֆուտբոլիստին մնում է միայն անցնել բուժզննում եւ ստանալ ԱՄՆ-ի մուտքի վիզա:
«Տխուր է բաժանվել «Մանչեսթեր Յունայթեդի» ընկերներիս հետ: Շնորհակալ եմ ակումբին ինձ այլ առաջնությունում ուժերս փորձելու հնարավորություն տալու համար:
Տեղափոխությունս «Չիկագո Ֆայր» չի տարբերվում իմ նախորդ տրանսֆերներից: Ակումբի ղեկավարության հետ զրուցելուց հետո հասկացա, որ «Չիկագո Ֆայրը» հետաքրքիր նախագիծ է, որին ցանկանում եմ օգնել»,- Շվայնշտայգերի խոսքը մեջբերում է ակումբի կայքը:
Գերմանիայի հավաքականի նախկին ավագը 2015-ին Մյունխենի «Բավարիայից» էր տեղափոխվել «Մանչեսթեր Յունայթեդ», որի կազմում հազվադեպ էր խաղում այս մրցաշրջանում: Ավելի վաղ նշվում էր, որ ԱՄՆ-ում գերմանացի կիսապաշտպանը ստանալու է տարեկան 4.5 միլիոն դոլար աշխատավարձ եւ կընդգրկվի MLS-ի ամենաբարձր վարձատրվող խաղացողների տասնյակում:
Հիշեցնենք, որ «Չիկագո Ֆայրի» կազմում խաղում է նաեւ հայ հարձակվող Դավիթ Արշակյանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։