Ֆուտբոլի Ուկրաինայի առաջնության 22-րդ տուրում Լուգանսկի «Զարյան» նվազագույն հաշվով արտագնա հաղթանակ է տարել «Վոլինի» նկատմամբ:
Հայաստանի հավաքականից դուրս մնացած 24-ամյա հարձակվող Գեղամ Կադիմյանը հյուրերի կազմում փոխարինման է դուրս եկել 76-րդ րոպեին, իսկ խաղի վերջին րոպեին վաստակել է 11 մետրանոց հարված, որի իրացումով «Զարյան» խփել է հաղթական գոլը:
«Զարյան» 40 միավորով երրորդ տեղում է:
Հիշեցնենք, որ Գեղամ Կադիմյանը չի հրավիրվել Հայաստանի հավաքական, որը շուտով կսկսի պատրաստվել Ղազախստանի դեմ մարտի 26-ին Երեւանում կայանալիք աշխարհի առաջնության ընտրական հանդիպմանը:
Տեսանյութում 11 մետրանոցի դրվագը՝ 4:55-ից
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։