Daily Mail. Հենրիխ Մխիթարյանը «Միդլսբրոյի» դեմ խաղին չի մասնակցել վնասվածքի պատճառով
11:56 20 մարտի, 2017«Մանչեսթեր Յունայթեդի» կիսապաշտպան Հենրիխ Մխիթարյանը «Միդլսբրոյի» դեմ անգլիական Պրեմյեր լիգայի 29-րդ տուրի խաղը բաց է թողել վնասվածքի պատճառով, գրում է Daily Mail-ը:
Բրիտանական հեղինակավոր պարբերականը, անդրադառնալով Ժոզե Մոուրինյոյի թիմի կադրային խնդիրներին, նշել է, որ Հենրիխ Մխիթարյանը եւ ֆրանսիացի կիսապաշտպան Պոլ Պոգբան վնասվածք ունեն:
Հիշեցնենք, որ Մխիթարյանը հայտավորվել էր «Մանչեսթեր Յունայթեդի» փոխարինողների թվում, սակայն խաղադաշտ դուրս չեկավ: Առանց Հայաստանի հավաքականի ավագի, Զլատան Իբրահիմովիչի, Պոլ Պոգբայի, Անդեր Հերերայի եւ Ուեյն Ռունիի խաղացող մանչեսթերցիներն արտագնա հաղթանակ էին տարել 3:1 հաշվով եւ, շրջանցելով այս տուրում պարտություն կրած Լոնդոնի «Արսենալին», 52 միավորով բարձրացել 5-րդ տեղ:
«Մանչեսթեր Յունայթեդը» պաշտոնապես չի հայտնել Մխիթարյանի վնասվածքի մասին: «Ռոստովի» դեմ ֆուտբոլի Եվրոպայի լիգայի 1/8 եզրափակիչի պատասխան խաղի ընթացքում ռուսական ակումբի ֆուտբոլիստները մի քանի դրվագներում կոպիտ խաղ էին դուցադրել Հենրիխի հետ պայքարելիս: 28-ամյա կիսապաշտպանը հրավիրվել է Հայաստանի հավաքական՝ մասնակցելու Ղազախստանի դեմ մարտի 26-ին Երեւանում կայանալիք աշխարհի առաջնության ընտրական հանդիպմանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։