MLS-ի կանոնավոր առաջնության երրորդ տուրում «Ռեալ Սոլթ Լեյքը» տանը 1:2 հաշվով պարտվել է «Լոս Անջելես Գելաքսիին»:
Խաղի հաշիվը 18-րդ րոպեին գլխի հարվածով բացել է «Ռեալ Սոլթ Լեյքի» հարձակվող Յուրա Մովսիսյանը, որն առաջին գոլն է խփել այս մրցաշրջանում: Առաջին խաղակեսի վերջնամասում դաշտի տերերը ստացել են կարմիր քարտ, իսկ ընդմիջումից հետո բաց են թողել 2 գոլ: Մովսիսյանը փոխարինվել է 66-րդ րոպեին, երբ հաշիվը 1:0 էր:
«Չիկագո Ֆայրը» հյուրընկալվելիս 0:4 հաշվով պարտվել է «Ատլանտա Յունայթեդին»: «Չիկագո Ֆայրի» հարձակվող Դավիթ Արշակյանը հայտավորված չի եղել հանդիպմանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։