«Մանչեսթեր Յունայթեդի» գլխավոր մարզիչ Ժոզե Մոուրինյոն պատմել է, թե այս մրցաշրջանի սկզբնամասում ինչու խաղալու հնարավորություն չէր տալիս Հայաստանի հավաքականի կիսապաշտպան Հենրիխ Մխիթարյանին:
«Մխիթարյանը հասկացավ, որ պատրաստ չէ այսպիսի իրականության: Խոսքը ֆիզիկական պատրաստվածության, մտածելակերպի ու մրցունակ լինելու մասին է: Նրա մարմնի համար բարդ էր դիմանալ ֆիզիկական ծանրաբեռնվածությանը եւ խաղերի արանքում ընկած կարճ ճամանակահատվածում վերականգնվելը»,- մարզիչի խոսքը մեջբերում է dailystar.co.uk-ը:
Հիշեցնենք, որ անգլիական ակումբի կազմում Մխիթարյանն այս մրցաշրջանում մասնակցել է 26 խաղի եւ դարձել 7 գոլի ու 5 գոլային փոխանցման հեղինակ։ Նա այս մրցաշրջանից առաջ Դորտմունդի «Բորուսիայից» էր տեղափոխվել «Մանչեսթեր Յունայթեդ»։ Բրիտանական մամուլը Մխիթարյանի տրանսֆերը գնահատում է 26 միլիոն ֆունտ ստերլինգ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։