Մադրիդի «Ռեալի» գլխավոր մարզիչ Զինեդին Զիդանը մեկնաբանել է Չեմպիոնների լիգայի քառորդ եզրափակիչի վիճակահանությունը, որի արդյունքում Արքայական ակումբին բաժին էր հասել Մյունխենի «Բավարիան»։
«Գիտենք, որ լինելու է բարդ հանդիպում։ Խաղադաշտում թեժ է լինելու։ Չեմպիոնների լիգայում ու Իսպանիայի առաջնությունում հաղթանակը ոգեշնչում է ինձ։ Մեզ բաժին է հասել շատ բարդ մրցակից։
Չեմ զրուցել Կարլո Անչելոտիի հետ, որից շատ բան եմ սովորել։ Մենք շատ լավ ենք ճանաչում իրար։ Նրանք ունեն հրաշալի թիմը, որը լավ ֆուտբոլ է ցուցադրում։ Թիմերի շանսերը գնահատում եմ 50-50։ Պետք է գոլ խփենք արտագնա խաղում․ դա կարեւոր է»,- Զիդանի խոսքը մեջբերում է Real Madrid Info-ն։
Հիշեցնենք, որ «Բավարիայի» գլխավոր մարզիչ Կարլո Անչելոտին Արքայական ակումբը գլխավորել է 2013-2015-ը՝ դառնալով Չեմպիոնների լիգայի գավաթակիր։ Զիդանն այդ ժամանակ Անչելոտիի օգնականն էր։
Չեմպիոնների լիգա, քառորդ եզրափակիչ
«Աթլետիկո Մադրիդ» (Իսպանիա) - «Լեսթեր» (Անգլիա)
«Բորուսիա Դորտմունդ» (Գերմանիա) - «Մոնակո» (Ֆրանսիա)
«Բավարիա» (Գերմանիա) - «Ռեալ Մադրիդ» (Իսպանիա)
«Յուվենտուս» (Իտալիա) - «Բարսելոնա» (Իսպանիա)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։