Ռիո-2016-ի օլիմպիական փոխչեմպիոն Միհրան Հարությունյանը Երեւանում է: Այս շրջանում օլիմպիական փոխչեմպիոնը զբաղված է Արցախում հունահռոմեական ըմբշամարտի մարզադպրոց բացելու աշխատանքներով: NEWS.am Sport-ի թղթակցի հետ զրույցում Ռուսաստանում բնակվող ըմբիշը պատմել է Հայաստան այցի մասին:
«Ինչպես հայտնի է, նպատակ ունեմ Արցախում հունահռոմեական ըմբշամարտի մարզադպրոց բացել: Այս շրջանում ակտիվ զբաղված եմ նախագծիս աշխատանքներով: Դպրոցը բացելու հարցով ծրագրում եմ հանդիպել եւ քննարկում ունենալ Արցախի նախագահ Բակո Սահակյանի հետ: Միայն այդ հանդիպումից հետո նոր կմանրամասնեմ մարզադպրոցի բացման ընթացքի ու աշխատանքների մասին: Երեւան եմ ժամանել մարտի 12-ին, բայց այս այցի ընթացքում գուցե չհասցնեմ այցելել Արցախ, քանի որ մարտի 15-ին վերադառնում եմ: Հաջորդ այցիս ժամանակ արդեն անպայման կլինեմ Արցախում»,- ասաց Միհրան Հարությունյանը:
Հիշեցնենք, որ Միհրան Հարությունյանը դեռ վերականգնվում է բարդ վիրահատությունից հետո:
Լուսինե Շահբազյան
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։