Հայ ըմբիշները 2 մեդալով կվերադառնան Ստամբուլից
12:35 13 մարտի, 2017Ազատ ոճի ըմբշամարտի Հայաստանի հավաքականը 2 մեդալով կվերադառնա Ստամբուլում ավարտված միջազգային մրցաշարից:
Մրցաշարի վերջին օրը Հայաստանի 4 ներկայացուցիչներից մեդալ է նվաճել միայն 65 կգ քաշային Նարեկ Սիրունյանը, որը գրավել է երկրորդ տեղը: Վահե Թամրազյանը (86 կգ) ու 97 կգ քաշայիններ Գեորգի Կետոեւը եւ Շամիր Աթյանը հաջող հանդես չեն եկել:
Նախօրեին Ստամբուլում բրոնզե մեդալակիր էր դարձել 61 կգ քաշային Վոլոդյա Ֆրանգուլյանը: Թուրքիայում Հայաստանի թիմի կազմում հանդես են եկել նաեւ Գարիկ Բարսեղյանը (57 կգ), Վալտեր Մարգարյանը (70կգ), 74 կգ քաշայիններ Գրիգոր Գրիգորյանը եւ Վարուժան Կոջոյանը ու Անդրանիկ Գալստյանը (125 կգ):
Ազատ ոճի ըմբշամարտի Հայաստանի հավաքականն առաջին անգամ հանդես եկավ օլիմպիական փոխչեմպիոն Արմեն Մկրտչյանի գլխավորությամբ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։