Ֆրանսիական «Մարսելի» պաշտպան Սեսար Ասպիլիկուետան նշանակվել է ֆուտբոլի Իսպանիայի օլիմպիական հավաքականի ավագ, հաղորդում է L’Equipe-ը:
«Մենք բոլորս երազում ենք կրել Իսպանիայի հավաքականի ավագի թեւկապը: Սակայն մեր գլխավոր նպատակը հաջողության հասնելն է»,- հայտարարել է 22-ամյա Ասպիլիկուետան:
Հիշեցնենք, որ Օլիմպիական խաղերի ֆուտբոլի մրցաշարին կարող են մասնակցել մինչեւ 23 տարեկան խաղացողներ, եւ երեք ֆուտբոլիստներ առանց տարիքային սահմանափակման:
Լոնդոնի Օլիմպիական խաղերի խմբային մրցաշարում իսպանացի ֆուտբոլիստներն ուժերը կչափեն Ճապոնիայի (հուլիսի 26-ին), Հոնդուրասի (հուլիսի 29) եւ Մարոկկոյի (օգոստոսի 1-ին) հավաքականների հետ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։