«Բարսելոնայի» երկրպագուները Չեմպիոնների լիգայի 1/8 եզրափակիչի պատասխան խաղում ֆրանսիական ՊՍԺ-ի նկատմամբ 6:1 հաշվով հաղթանակից հետո «Նոու Կամպ» ստադիոնի մոտ շրջափակել են Լիոնել Մեսիի մեքենան: Ֆանատները վանկարկել են արգենտինացի ֆուտբոլիստի ազգանունը: Տեսանյութը հրապարակել է Մեսիի հարսնացուն՝ Անտոնելա Ռոկուցոն:
Հիշեցնենք, որ առաջին խաղում ՊՍԺ-ն հաղթել էր 4:0 հաշվով, սակայն «Բարսելոնան» սխրանք գործեց եւ դուրս եկավ հաջորդ փուլ: Պատասխան խաղում Մեսին 52-րդ րոպեին 11 մետրանոց հարվածով հաշիվը դարձրել էր 3:0:
Եվրագավաթների պատմության մեջ ոչ մի ակումբի չէր հաջողվել փլեյ-օֆֆի 2 հանդիպումների արդյունքում դուրս գալ հաջորդ փուլ, եթե առաջին խաղում պարտվել էր 0:4 հաշվով: Բացի այդ, ոչ մի թիմ չէր կարողացել շարունակել պայքարն առաջին խաղում 4 գոլի տարբերությամբ պարտվելուց հետո:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։