Անդրեյ Տիխոնովը գոհ է Արթուր Սարկիսովի խաղից

Կրասնոյարսկի «Ենիսեյի» գլխավոր մարզիչ Անդրեյ Տիխոնովը գոհ է թիմի նորեկներից, այդ թվում՝ Հայաստանի հավաքականի հարձակվող Արթուր Սարկիսովից:

«Մեր բոլոր նորեկները որակյալ ֆուտբոլիստներ են, որոնք մեծ դպրոց են անցել: Այդ պատճառով մտածում եմ, որ նրանք մեզ կօգնեն առաջնության մնացած խաղերում: Շատ գոհ եմ նրանցից, բոլորը շատ լավ աշխատեցին: Հուսով եմ, որ նրանք մեծ օգուտ կբերեն մեզ»,- Մոսկվայի «Սպարտակի» նախկին ֆուտբոլիստի խոսքը մեջբերում է «Էնիսեյի» կայքը:

Ռուսաստանի առաջին դիվիզիոնի առաջնության 25-րդ տուրում «Ենիսեյը» 0։0 հաշվով է ավարտել «Լուչ Էներգիայի» դեմ տնային խաղը: Արթուր Սարկիսովը հանդես է եկել մեկնարկային կազմում, իսկ 60-րդ րոպեին նրան փոխարինել է Արթուր Մալոյանը։

Հիշեցնենք, որ 30-ամյա Սարկիսովը այս տարվա սկզբնամասում Սարանսկի «Մորդովիայից» է տեղափոխվել «Ենիսեյ», որի կազմում արդյունավետ խաղ ցուցադրեց ձմեռային հավաքների ժամանակ: