Խաբիբ Նուրմագոմեդովը ներողություն է խնդրել երկրպագուներից
15:45 6 մարտի, 2017UFC-ի ռուսաստանցի մարտիկ Խաբիբ Նուրմագոմեդովը երկրպագուներից ներողություն է խնդրել ամերիկացի Տոնի Ֆերգյուսոնի հետ մենամարտը հետաձգելու համար: Նրանք մարտի 4-ին Լաս Վեգասում պետք է վիճարկեին խառը մենամարտերի UFC-ի թեթեւ քաշային կարգի ժամանակավոր չեմպիոնի տիտղոսը, սակայն Նուրմագոմեդովը քաշ գցելիս վատ էր զգացել շոգեբաղնիքում եւ տեղափոխվել հիվանդանոց:
«Գիտեմ, որ շատ մարդիկ էին սպասում այդ մենամարտին եւ բոլորին հուսախաբ արեցի: Ցանկանում եմ ներողություն խնդրել իմ երկրպագուներից, UFC-ից ու իմ մրցակցից: Աջողջությանս հետ ամեն բան նորմալ է, եղել է նաեւ ավելի վատ: Այս փորձություններն ամեն անգամ ավելի ուժեղ են դարձնում ինձ: Շնորհակալություն աջակցության համար»,- «Ինստագրամում» գրել է Խաբիբ Նուրմագոմեդովը:
Տոնի Ֆերգյուսոնը եւս առողջություն է մաղթել ռուսաստանցի մարտիկին՝ նշելով, որ նա պետք է մտածի իր առողջության մասին, այլ ոչ թե UFC-ի:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։