Ձմեռային դադարից հետո վերսկսված ֆուտբոլի Ռուսաստանի Պրեմյեր լիգայի 18-րդ տուրում առաջատար «Սպարտակը» մարտական ոչ ոքի խաղաց «Կրասնոդարի» հետ: Կրասնոդարում կայացած խաղում մոսկովյան ակումբը 2 անգամ առաջ անցավ հաշվի մեջ, սակայն հաղթական հաշիվը պահպանել չհաջողվեց:
Եկատերինբուրգի «Ուրալը» տանը նվազագույն հաշվով հաղթեց Պերմի «Ամկարին»: Հայաստանի հավաքականի հարձակվող Էդգար Մանուչարյանն «Ուրալի» կազմում փոխարինման դուրս եկավ 72-րդ րոպեին:
«Սպարտակն» ունի 41 միավոր եւ 5 միավոր առաջ է անցել երկրորդ տեղում գտնվող պետերբուրգյան «Զենիթից»: Մոսկվայի ԲԿՄԱ-ն 33 միավորով երրորդն է: «Զենիթն» ու ԲԿՄԱ-ն գոլազուրկ ոչ ոքիով էին բաժանվել այս տուրում:
Ռուսաստանի առաջնություն, 18-րդ տուր
«Կրասնոդար» - «Սպարտակ»՝ 2:2
Սերդար Տասկի, 15 (ինքնագոլ), Ֆյոդոր Սմոլով, 73 – Ֆերնանդո, 3, Լուիս Ադրիանո, 54
«Ուրալ» - «Ամկար»՝ 1:0
Էրիկ Բիկֆալի, 32
«Կռիլյա Սովետով» - «Լոկոմոտիվ»՝ 0:3
Արի, 60, 68, Ալեքսեյ Միրանչուկ, 88
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։