Դեւիդ Հեյը պարտվել է տեխնիկական նոկաուտով

Պրոֆեսիոնալ բռնցքամարտի սուպերծանր քաշային կարգում աշխարհի նախկին չեմպիոն Դեւիդ Հեյը (28-2) կարիերայի հերթական մենամարտում պարտվել է տեխնիկական նոկաուտով: 36-ամյա անգլիացու մրցակիցն է եղել ծանր քաշային կարգում WBC վարկածով աշխարհի չեմպիոն Տոնի Բելյուն (29-2-1), որը հաղթել է 11-րդ ռաունդում: 34-ամյա Բելյուն նոկդաունի է ենթարկել Հեյին, որը հայտնվել է ռինգից դուրս: Անգլիացին դժվարությամբ ոտքի է կանգնել եւ փորձել շարունակել մենամարտը, սակայն նրա թիմը սպիտակ սրբիչ է նետել ռինգ՝ դադարեցնելով մարտը:

Մենամարտից առաջ Դեւիդ Հեյը համարվում էր ֆավորիտ: