Սպորտային մարմնամարզության Հայաստանի չեմպիոնները (ֆոտո)

17:05   4 մարտի, 2017

Երեւանի Ալբերտ Ազարյանի անվան մարմնամարզության դպրոցում ավարտվեց սպորտային մարմնամարզության Հայաստանի առաջնությունը: Ազատ վարժություններում առաջատարը Եվրոպայի փոխչեմպիոն, Ռիո-2016-ի մասնակից Արթուր Դավթյանն էր, նժույգի վարժությունում հավասարը չունեցավ Եվրոպայի չեմպիոն, աշխարհի բրոնզե մեդալակիր, Ռիո-2016-ի մասնակից Հարություն Մերդինյանը, օղակների վարժությունում՝ Եվրոպայի փոխչեմպիոն Վահագն Դավթյանը, հենացատկում, զուգափայտերում եւ պտտաձողում առաջատարը կրկին Արթուր Դավթյանն էր:

Հրանտ Շահինյանի անվան մարզադպորցում կայացավ սպորտային մարմնամարզության կանանց Հայաստանի առաջնությունը: Չեմպիոններ դարձան Աննա Գրիգորյանը՝ հենացատկի եւ տարբեր բարձրությունների զուգափայտի վարժություններում,  Գայանե Սիրականյանը՝ հավասարակշռության գերան մրցաձեւում եւ Շուշան Բաբայանը՝ ազատ վարժություններում:

Լուսինե Շահբազյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։