Հայաստանի 2 ներկայացուցիչներ Կիեւում մեկնարկած հունահռոմեական ոճի միջազգային մրցաշարում նվաճել են եզրափակիչի ուղեգրեր:
Սարգիս Քոչարյանը (80 կգ) եւ Արթուր Շահինյանը (98 կգ) երեկոյան մրցահերթում կգոտեմարտեն ոսկե մեդալների համար:
Եզրափակիչում Սարգիս Քոչարյանը կհանդիպի ուկրաինացի Դմիտրո Պիշկովի հետ, իսկ Արթուր Շահինյանն ուժերը կչափի ուկրաինացի Դմիտրի Տիմչենկոյի հետ:
Գեւորգ Ղարիբյանը (59 կգ) եւ 80 կգ քաշային կարգում Հայաստանի մյուս ներկայացուցիչ Ռաֆիկ Մանուկյանը պարտվել են կիսաեզրափակիչում եւ կգոտեմարտեն բրոնզե մեդալի համար: Գեւորգ Ղարիբյանին հաղթել է Ուկրաինան ներկայացնող Ժորա Աբովյանը, որը նվաճել է եզրափակիչի ուղեգիր: Մարտի 3-ին պայքարի մեջ է մտել նաեւ 71 կգ քաշային Ռաֆայել Ալեքսանյանը, որը մեկնարկային գոտեմարտում պարտվել է բելառուս Վալերի Պալենսկուն եւ լքել պայքարը:
Մեդալային գոտեմարտերը կմեկնարկեն Երեւանի ժամանակով 18:30-ին:
Կիեւի մրցաշարում Հայաստանը կներկայացնեն նաեւ՝ Կարեն Ասլանյանը (66 կգ), Վարշամ Բորանյանը (75 կգ), Մաքսիմ Մանուկյանը (85 կգ) եւ Վաչիկ Եղիազարյանը (130 կգ), որոնք պայքարի մեջ կմտնեն մարտի 4-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։