20 ինքնագոլով սկանդալային հանդիպումը կվերախաղարկվի
17:11 28 փետրվարի, 2017Արխանգելսկի «Վոդնիկի» եւ Իրկուտսկի «Բայկալ-Էներգիայի» միջեւ գնդակով հոկեյի Ռուսաստանի առաջնությունում տեղի ունեցած սկանդալային հանդիպումը չեղյալ է հայտարարվել եւ կվերախաղարկվի: Նման որոշում է կայացրել գնդակով հոկեյի Ռուսաստանի ֆեդերացիայի կարգապահական կոմիտեն, փոխանցում է «ФХМР»-ը:
Բացի այդ, «Марафон» բուքմեյքերական գրասենյակը որոշել է վերադարձնել այդ խաղի վրա կատարված բոլոր այն խաղադրույքների գումարները, որոնք չեն հաղթել: Հանդիպումը կվերախաղարկվի մարտի 3-ին:
Հիշեցնենք, որ այդ խաղում գրանցվել էր 20 ինքնագոլ: Առաջին խաղակեսում գոլեր չէին գրանցվել, իսկ խաղն ավարտվել էր «Բայկալ-Էներգիայի» արտագնա հաղթանակով՝ 11:9 հաշվով: Բոլոր գոլերը գրանցվել էին որպես ինքնագոլ: Ընդ որում՝ «Վոդնիկի» 28-ամյա հարձակվող Օլեգ Պիվովարովը սեփական դարպասը գրավել է 11 անգամ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։