Արմեն Մկրտչյան. Թուրքիայի մրցաշարին կմասնակցենք ամբողջական կազմով

15:11   27 փետրվարի, 2017

Հետաքրքիր մարզումային օրեր ենք անցկացնում, պատրաստվում ենք Թուրքիայի մրցաշարին եւ Եվրոպայի առաջնությանը:

Այս մասին NEWS.am Sport-ի թղթակցի հետ զրույցում ասաց ազատ ոճի ըմբշամարտի Հայաստանի հավաքականի նորանշանակ գլխավոր մարզիչ Արմեն Մկրտչյանը:

Օլիմպիական փոխչեմպիոն Արմեն Մկրտչյանն այս օրերին առաջին մարզումներն է անցկացնում որպես հավաքականի գլխավոր մարզիչ: Ազատ ոճային ըմբիշները փետրվարի 24-ից մինչեւ մարտի 8-ը հավաք են անցնում Ծաղկաձորում:

«Շատ լավ են անցնում մեր ծաղկաձորյան մարզումները: Փորձում ենք արդյունավետ աշխատանք կատարել: Պատրաստվում ենք Թուրքիայի մրցաշարին: Մասնակցելու ենք ամբողջական կազմով: Թուրքիայում հանդես կգան՝ Գարիկ Բարսեղյանը (57 կգ), Վոլոդյա Ֆրանգուլյանը (61 կգ), Նարեկ Սիրունյանը (65 կգ), Վալտեր Մարգարյանը (70 կգ), Վարուժան Կոջոյանը (74 կգ), Վահիկ Թամրազյանը (86 կգ), Շամիր Աթյանը (97 կգ), Անդրանիկ Գալստյանը (125 կգ): Ընտրել ենք Հայաստանի չեմպիոններին եւ երկրորդ ու երրորդ մրցանակակիրներին»,- ասաց Արմեն Մկրտչյանը:

Լուսինե Շահբազյան



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։